Gürcüstan pandemiya dövründə 2 milyard dollara yaxın borc götürüb

Gürcüstan koronavirus (COVID-19) pandemiyası dövründə beynəlxalq tərəfdaşlarından 1,9 milyard ABŞ dolları vəsait əldə edib.

“Report”un yerli bürosu xəbər verir ki, bunu jurnalistlərə açıqlamasında qonşu ölkənin maliyyə nazirinin müavini Giorgi Kakauridze bildirib.

O, məbləğin əsas hissəsinin borc olduğunu və 100 milyon avro qrant da alındığını deyib.

Nazir müavini həmçinin vurğulayıb ki, bu ilin I rübündə səhiyyə sektorunda pandemiya ilə bağlı xərclər 176,6 milyon lari (təxminən 53 milyon ABŞ dollar) təşkil edib.