Gürcüstan Milli Bankı hərraca 40 milyon ABŞ dolları çıxarır

Gürcüstan Milli Bankı martın 19-da valyuta hərracına 40 milyon ABŞ dolları çıxaracaq.

“Report”un yerli bürosu xəbər verir ki, bu barədə qurumdan bildirilib.

Milli Bank xarici valyuta bazarına ilk intervensiyasını martın 13-də edərək hərracda 20 milyon ABŞ dolları satıb. 

Qeyd edək ki, son günlər qonşu ölkənin milli valyutası kəskin ucuzlaşıb. Hazırda Gürcüstanda 1 ABŞ dollarının rəsmi məzənnəsi 3,0807 lari təşkil edir.