Gürcüstan iqtisadiyyatı ötən il 11 % artıb

Ötən ilin dekabr ayında Gürcüstanda istehsal edilmiş Ümümi Daxili Məhsulun (ÜDM) real dəyərində illik müqayisədə 9,6 % artım qeydə alınıb.

“Report”un yerli bürosu xəbər verir ki, bu barədə Gürcüstanın Milli Statistika İdarəsinin hesabatında bildirilib.

Sənədə əsasən, 2021-ci ildə isə qonşu ölkə iqtisadiyyatında artım tempi 2020-ci illə müqayisədə 10,6 % artıb.

Hesabat ayında artım istehsal, nəqliyyat və anbar təsərrüfatı, ticarət, mehmanxana və restoranlar, elektrik, qaz, buxar və kondisioner təchizatı, daşınmaz əmlak, incəsənət, əyləncə və rekreasiya sahələrində müşahidə olunub. Azalma isə tikinti sektorunda olub.