Gürcüstan iqtisadiyyatı 14 % böyüyüb

Bu ilin I rübündə Gürcüstanda istehsal edilmiş Ümumi Daxili Məhsulun (ÜDM) real dəyəri ötən ilin analoji dövrü ilə müqayisədə 14,4 % çox olub.

“Report”un yerli bürosu xəbər verir ki, bu barədə Gürcüstanın Milli Statistika İdarəsindən bildirilib.

Məlumata əsasən, təkcə mart ayında isə iqtisadi artım illik müqayisədə 10,6 % təşkil edib.

Hesabat ayında artım elektrik, qaz, buxar və kondisioner təchizatı, nəqliyyat və anbar təsərrüfatı, mehmanxana və restoranlar, tikinti, incəsənət, əyləncə və rekreasiya sahələrində, mədənçıxarma sənayesində qeydə alınıb.