"Günay Sığorta"nın sabiq sədri sığorta agentliyi yaradır

Bakı. 17 may. REPORT.AZ/ "Günay Sığorta" ASC-nin İdarə Heyətinin keçmiş sədri Qəmbər Suvanverdiyev sığorta agentliyi yaradır.

Bu barədə "Report"a Q.Suvanverdiyev özü məlumat verib.

"Hazırda sığorta məhsullarının satışı ilə məşğul olacaq "Buta Sığorta Agentliyi" MMC-ni dövlət qeydiyyatına aldırmaqla bağlı iş gedir. Paralel olaraq Maliyyə Bazarlarına Nəzarət Palatasına da ilkin sənədləri təqdim etmişik. Çünki bu fəaliyyət növü xüsusi icazə, lisenziya tələb edir", - deyə Q.Suvanverdiyev qeyd edib.

Xatırladaq ki, Q.Suvanverdiyev "Günay Sığorta"ya qədər aktivlərini bu şirkətə satmış "Buta Sığorta" ASC-nin İdarə Heyətinə rəhbərlik edib.