“GoldenPay” nizamnamə kapitalını artırır

Martın 29-da, saat 11:00-da “GoldenPay” ASC-nin səhmdarlarının növbədənkənar ümumi yığıncağı keçiriləcək.

“Report” xəbər verir ki, yığıncaq Bakı şəhəri, Xətai rayonu, Afiyəddin Cəlilov küçəsi, 15 ünvanında olacaq.

Yığıncağın gündəliyinə şirkətin nizamnamə kapitalının artırılması, nizamnaməsində dəyişiklik edilməsi və digər məsələlər daxildir.

Xatırladaq ki, "GoldenPay" 2007-ci ilin iyul ayında yaradılıb, 2008-ci ilin dekabr ayında fəaliyyətə başlayıb. Onun nizamnamə kapitalı 0,6 milyon manatdır. Şirkət Hesab.az onlayn ödəmə portalının sahibidir. Bu portalda kommunal, mobil, internet, bank kreditləri, parkinq və digər növ ödənişlər aparmaq, sığorta məhsulları, kino və aviabilet almaq mümkündür.