“Fitch" İpoteka və Kredit Zəmanət Fondunun reytinqini təsdiq edib

“Fitch" beynəlxalq reytinq agentliyi İpoteka və Kredit Zəmanət Fondunun xarici və yerli valyutada uzunmüddətli reytinqini “BB+” səviyyəsində təsdiq edib.

"Report" bu barədə Fonda istinadən xəbər verir.

Məlumata görə, Agentliyin reytinq üzrə proqnozu "Sabit"dir.

“Fitch” dövlətlə Fond arasında əlaqənin və ona dövlət dəstəyinin güclü olmasını yüksək qiymətləndirərək, qurumun reytinqini ölkənin suveren reytinqinə bərabər müəyyənləşdirib.

Xatırladaq ki, “Fitch" 2009-cu ildən Fondun fəaliyyətini qiymətləndirir və onun müstəqil kredit reytinqini açıqlayır. Son 12 ildə aparılan qiymətləndirmələr Fondun reytinqinin ölkənin suveren reytinqinə bərabər olması ilə nəticələnib.