"Fitch": "Azərbaycanın qeyri-enerji sektoru 4,3 % artacaq"

"Fitch" beynəlxalq reytinq agentliyi Azərbaycanın qeyri-enerji sektorunun bu il 4,3 %, 2023-2024-cü illərdə isə artım tempinin orta hesabla 2,3 %-ə enəcəyini proqnozlaşdırır.

Bu barədə "Report" agentliyə istinadən xəbər verir.

“Azərbaycanın qeyri-enerji sektoru bu ilin 8 ayında pandemiyanın təsirinin azalması, Rusiyadan pul köçürmələrinin artması və Ukraynadakı müharibədən sonra nəqliyyat sektoruna artan tələbin təsiri ilə 5,8 % böyüyüb.

Lakin Avropa İttifaqının Azərbaycan qazına tələbinin artması, 2027-ci ilədək Aİ-yə ixracın təxminən 2 dəfə artırlması ilə bağlı iyul anlaşması ilə nəticələnib və bu yeni investisiya axınlarlna səbəb olacaq", - məlumatda deyilir.