“Finoko" BOKT-un nizamnamə kapitalı bir qədər də artırılacaq

Yanvarın 15-də “Finoko" ASC bank olmayan kredit təşkilatının (BOKT) səhmdarlarının növbədənkənar ümumi yığıncağı keçiriləcək.

“Report” xəbər verir ki, yığıncaq BOKT-un Bakı şəhəri, Yasamal Rayonu, Cəfər Cabbarlı küçəsi, 609 ("Globus Center" iş mərkəzi, 9-cu mərtəbə) ünvanında yerləşən baş ofisində olacaq.

Yığıncağın gündəliyinə "Finoko"nun Azərbaycan manatı və ABŞ dolları ilə yeni istiqraz emissiyası, eləcə də yeni səhm emissiyası hesabına nizamnamə kapitalının artırlması məsələləri daxildir.

Xatırladaq ki, “Finoko” 2014-cü ildə yaradılıb. Hazırda onun nizamnamə kapitalı 4,855 milyon manatdır. BOKT-un səhmdarları hər biri 50% payla Elçin Əliyev (Müşahidə Şurasının sədri) və Elmar Əliyevdir (Müşahidə Şurasının üzvü).