Bakı. 10 mart. REPORT.AZ/ "Expressbank" ASC-nin yeni, "Əhmədli" filialı fəaliyyətə başlayıb. "Report"un Banka istinadən verdiyi xəbərə görə, yeni filial "Əhmədli" metro stansiyasının çıxışında, M.Hadi küçəsi,31S ünvanında yerləşir.
"Expressbank"ın paytaxt Bakı ilə yanaşı Sumqayıt, Gəncə, Mingəçevir, Bərdə, Qusar, Xaçmaz və Şirvan şəhərlərində də filialları fəaliyyət göstərir. Bankın ölkə üzrə 90-dək bankomatı, 7 500-dək POS-terminalı və 400-dək "ExpressPay" ödəniş terminalı var.