"Expressbank"da yeni təyinat olub

Bakı. 13 dekabr. REPORT.AZ/ "Expressbank" ASC-nin İdarə Heyətinə (İH) daha bir sədr müavini təyin edilib. Bu barədə "Report"a Bankdan bildirilib. 

Məlumata görə, söhbət Orxan Vahabovdan gedir. O, artıq vəzifələrinin icrasına başlayıb. 

Hazırda "Expressbank"ın İH-nə Emin Məmmədov sədrlik edir. Onun digər müavini isə İlham Həbibullayevdir. 

Xatırladaq ki, "Expressbank" 1989-cu ildə "Azərnəqliyyatbank" adı ilə fəaliyyətə başlayıb, 2010-cu ildə rebrendinq edib. Onun nizamnamə kapitalı 137 256 651 manatdır. Bankın səhmlərinin 40%-i "Azenco Group" MMC-yə, 25%-i Hikmət Xammədova, 17,69%-i "Enerqoservis" MMC-yə, 17%-i Hafiz Seyidova, 0,31%-i isə "Avtonəqliyyatservis" MMC-yə məxsusdur.