“Effektinvest”in təsisçilərinin pay bölgüsü dəyişib

“Effektinvest” MMC bank olmayan kredit təşkilatının (BOKT) təsisçilərinin pay bölgüsündə dəyişiklik olub.

"Report" xəbər verir ki, bu, BOKT-un nizamnamə kapitalının 190 min manat (23,5 %) artırılaraq 1 milyon manata çatdırılmasından sonra baş verib.

Belə ki, “Effektinvest”in təsis paylarının 52,8 %-nə nəzarət edən Şirin Cavadov payını 47,5 %-ə, 1,7 %-nə nəzarət edən Elçin Niftiyev isə payını 1,5 %-ə endirib, əvəzində təsis paylarının 45,5 %-nin sahibi olan Fərid Köçərli payını 51 %-ə qaldırıb.

Xatırladaq ki, “Effektinvest” 2013-cü ildə yaradılıb.