Dünya Bankı Mərkəzi Asiya ölkələrində ÜDM-in artım tempini proqnozlaşdırıb

“Mərkəzi Asiya ölkələrinin ÜDM-in artım tempi 2022-2023-cü illərdə 3 %-i keçərək müvafiq olaraq 3,7 % və 3,9 % təşkil edəcək”.

“Report” xəbər verir ki, bunu Dünya Bankının (DB) vitse-prezidenti Anna Berde Səmərqənddə keçirilən II Beynəlxalq İqtisadi Forumda deyib.

“Yaxşı xəbərlərdən biri də odur ki, Mərkəzi Asiya ölkələri Dünya Bankının 2022-ci ilin yazında proqnozlaşdırdığı templə, yəni 3 %-dən çox inkişaf edir”, - o bildirib.

A.Berdenin sözlərinə görə, Rusiya vətəndaşlarının Mərkəzi Asiya ölkələrinə köçməsi regionun iqtisadiyyatının inkişafına töhfə verib.