Dünya Bankı: Bu il Gürcüstan iqtisadiyyatı 6% kiçiləcək

Bu il Gürcüstan iqtisadiyyatında ötən illə müqayisədə 6% azalma olacaq.

“Report”un yerli bürosu xəbər verir ki, bu barədə Dünya Bankının hesabatında bildirilir.

Sənədə əsasən, 2021-ci ildə isə qonşu ölkədə 4% iqtisadi artım gözlənilir.

"Koronavirus (COVID-19) pandemiyası səbəbindən 2020-ci ildə Gürcüstanda təxminən 160 min vətəndaş yoxsulluqla üzləşə, 400 min nəfərin isə gəlirləri azala bilər", - hesabatda qeyd olunub.