Dövlət Neft Fondu qızıl ehtiyatlarını 13 % artırıb

Bu ilin iyulun 1-nə Azərbaycan Dövlət Neft Fondunun (ARDNF) investisiya portfelində istiqrazlar və digər pul bazarı alətlərinin xüsusi çəkisi 55,3 % təşkil edib.

Bu barədə "Report" Fonda istinadən xəbər verir.

Məlumata görə, bu, 2023-cü ilin eyni dövrü ilə müqayisədə 6,8 faiz bəndi azdır.

Əvəzində ARDNF investisiya portfelində səhmlərin payını 22,9 %-dən 25,9 %-ə artırıb.

Qızılın payı 11,5 %-dən 14,8 %-ədək artıb, daşınmaz əmlakın payı isə 5,5 %-dən 6 %-ə çatdırılıb.

Hazırda ARDNF-in ehtiyatlarında 114,9 ton qızıl var ki, bu da 1 il əvvələ nisbətən 13,1 ton və ya 12,9 % çoxdur.