Dövlət Gömrük Komitəsinin xətti ilə büdcə daxilolmaları 6 %-ə yaxın artıb

Bu ilin yanvar-iyun aylarında Dövlət Gömrük Komitəsinin xəttilə büdcə daxilolmaları 3 milyard 252,2 milyon manat olub.

“Report” bu barədə Maliyyə Nazirliyinə istinadən xəbər verir.

Məlumata görə, bu, 2023-cü ilin eyni dövrü ilə müqayisədə 5,7 % çoxdur.

Hesabat dövründə gömrük orqanlarının xətti ilə büdcə daxilolmaları ümumi daxilolmaların 17,3 %-ni, dövlət büdcəsinin qeyri-neft/qaz sektoru üzrə daxilolmalarının isə 32,4 %-ni təşkil edib.