Əməyin Mühafizəsi Mərkəzinin xərcləri 14 dəfədən çox artıb

2024-cü ildə Əmək və Əhalinin Sosial Müdafiəsi Nazirliyinin Dövlət Əmək Müfəttişliyi Xidmətinin tabeliyindəki Əməyin Mühafizəsi Mərkəzinin xərcləri 1,033 milyon manat təşkil edib.

“Report” Xidmətin maliyyə hesabatına istinadən xəbər verir ki, bu, 2023-cü illə müqayisədə 14,2 dəfə çoxdur.

Ötən il qurumun inzibati xərcləri 852 min manat (11,7 dəfə çox), digər xərcləri isə 182 min manat (kəskin artıb) təşkil edib.

Bu il yanvarın 1-nə Əməyin Mühafizəsi Mərkəzinin həm aktivləri, həm də balans kapitalı 1,733 milyon manat olub ki, bu da illik müqayisədə 3,9 dəfə çoxdur. Xidmətin öhdəlikləri olmayıb.