Cənubi Koreya valyutası ucuzlaşmağa başlayıb

Cənubi Koreya valyutası ucuzlaşmağa başlayıb ARDNF-in investisiya portfelinin 1,3%-i Koreya vonunda yerləşdirilib
Maliyyə
638
4 İyul , 2017 14:15
Cənubi Koreya valyutası ucuzlaşmağa başlayıb

Bakı. 4 iyul. REPORT.AZ/ Cənubi Koreyanın milli valyutası - von Şimali Koreyanın ballistik raketi sınağdan keçirməsi xəbəri ilə ucuzlaşmağa başlayıb.

"Report" "Bloomberg" agentliyinə istinadən xəbər verir ki, von ABŞ dolları ilə müqayisədə son 4 ayın minimal səviyyəsinə düşüb. Qeyd edək ki, hazırda məzənnə 1 150 KRW/USD-yə bərabərdir. İyunun 27-28-də xarici investorlar 2 trln. von (1,7 mlrd. ABŞ dolları) həcmində dövlət istiqrazı satıblar.

ABŞ-da uçot dərəcəsinin artması nəticəsində Amerika istiqrazları üzrə faizlərin yüksəlməsi İndoneziya istiqrazlarına marağı azaltdığından, bu ölkənin yerli valyutası - rupi də ucuzlaşmağa başlayıb. Nəticədə, məzənnə 13,93 IDR/USD-yə yüksələrək mayın 19-dan etibarən ən yüksək səviyyəyə çatıb. Xarici investorlar iyunun 30-da 1,5 trln. rupilik (112 mln. dollarlıq) İndoneziya dövlət istiqrazı satıblar.

Xatırladaq ki, Azərbaycan Dövlət Neft Fondunun (ARDNF) investisiya portfelinin 1,3%-i, yəni 430 mln. dollarlıq hissəsi Koreya vonunda aktivlərə yatırılıb.

Son xəbərlər

Orphus sistemi