Asiya İnkişaf Bankı dayanıqlı satınalmaları dəstəkləmək üçün Azərbaycanla məsləhətləşmələr aparır

Asiya İnkişaf Bankı (ADB) dayanıqlı satınalmaların dəstəklənməsi üzrə fəaliyyət planının razılaşdırılması üçün Azərbaycan hökuməti ilə məsləhətləşmələr aparır.

“Report”un Tbilisiyə ezam olunmuş əməkdaşının verdiyi məlumata görə, bu barədə jurnalistlərə ADB-nin Baş direktorunun müavini və satınalmalar üzrə əsas əməkdaşı Ceff Teylor bildirib.

O vurğulayıb ki, ADB diaqnostika aparıb və dayanıqlı satınalmaları inkişaf edən təcrübə hesab edir: “Bir sıra təşəbbüslər var və onları həyata keçirmək üçün imkanlar axtarırıq”.

C.Teylorun sözlərinə görə, hazırda Azərbaycanda ADB-nin dəstəyinə və diqqətinə layiq olan təşəbbüslər həyata keçirilir.

Xatırladaq ki, ADB 1966-cı ildə yaradılıb və onun 68 üzvü var. Azərbaycan 1999-cu ildən bu bankın üzvüdür.