“Brand Credit” BOKT-un mənfəəti kəskin azalıb

“Brand Credit” MMC bank olmayan kredit təşkilatı (BOKT) 2019-cu ili 6 min manat mənfəətlə başa vurub.

“Report” BOKT-un maliyyə hesabatına istinadən xəbər verir ki, bu, 2018-ci ilə nisbətən təxminən 92% azdır.

Bu il yanvarın 1-nə “Brand Credit”in aktivləri 3,2 milyon manat olub ki, bu da illik müqayisədə 9,4% çoxdur. Bunun 2,5 milyon manatı müştərilərə verilmiş xalis kreditlərdir. Ötən il BOKT-un kredit portfeli 37,5% böyüyüb.

Hesabat dövründə “Brand Credit”in öhdəlikləri 11,5% artaraq 2,6 milyon manata, balans kapitalı isə 0,9% artaraq 575 min manata çatıb.

Xatırladaq ki, “Brand Credit” 2011-ci ildə yaradılıb. Hazırda onun nizamnamə kapitalı 1,9 milyon manat olsa da, ötən ilin yekununda 900 min manat təşkil edib, təsisçiləri isə Əli Hüseynov, Yeganə Vəliyeva və Şəbnəm Vəliyeva olub.