Böyük Britaniyada son 11 ilin ilk resessiyası başlayıb

Böyük Britaniyada son 11 ilin ilk resessiyası başlayıb Böyük Britaniya iqtisadiyyatı COVID-19 pandemiyası nəticəsində cari ilin ikinci rübündə 20,4 faiz kiçilib.
Maliyyə
430
12 Avqust , 2020 14:29
Böyük Britaniyada son 11 ilin ilk resessiyası başlayıb

Böyük Britaniya iqtisadiyyatı COVID-19 pandemiyası nəticəsində bu ilin ikinci rübündə 20,4 faiz kiçilib.

“Report” “BBC”yə istinadən xəbər verir ki, milli Statistika Ofisinin məlumatına görə, ilin birinci rübündəki ÜDM həcmi ötən ilin müvafiq dövrünə nisbətən 2,2 faiz az olub. Bunun başlıca səbəbi də mart ayında istehsalatın kəskin azalmasıdır.

Ekspertlərə görə, bununla da ölkə üzrə ÜDM-nin 1979-cu ildən etibarən ən böyük geriləməsi qeydə alınıb.

Həmçinin ÜDM-nin dalbadal iki rüb ərzində azalması, yəni resessiya Böyük Britaniyada son dəfə 2009-cu ildə baş verib.

Xatırladaq ki, koronavirusdan ən çox zərər çəkən ölkələrdən olan Böyük Britaniyada Səhiyyə Nazirliyinin məlumatına görə indiyədək bütövlükdə 310 mindən artıq insan yoluxub, bunlardan 46,6 mini də dünyasını dəyişib.

Son xəbərlər

Orphus sistemi