"Bitcoin"in dəyəri 9 iyuldan bəri ilk dəfə 110 min dollardan aşağı düşüb

Dünyanın aparıcı kriptovalyutası "Bitcoin"in qiyməti 9 iyul 2025-ci ildən bəri ilk dəfə 110 min dollardan aşağı düşüb.

"Report"un məlumatına görə, bunu "Binance" platformasının məlumatları təsdiqləyir.

Bakı vaxtı ilə saat 00:37-yə olan məlumata görə, "Bitcoin"in dəyəri 2,13% azalaraq 109,917 min dollara düşüb.

Bakı vaxtı ilə 00:58-ə olan məlumata görə, azalma sürətlənərək 109,839 min dollara (-2,47%) səviyyəsinə geriləyib.