“Bank Respublika” “Mobil Şöbə” ilə "YAŞAT" fonduna ianə etmək imkanı yaratdı

Ərazi bütövlüyümüzün müdafiəsi ilə əlaqədar yaralananların və şəhid ailələrinin təminatına dəstək vermək üçün ölkə prezidentinin 8 dekabr 2020-ci il tarixli fərmanı ilə "YAŞAT" fondu yaradılıb.

Hər zaman olduğu kimi dövlətimizin yanında olduğunu bəyan edən “Bank Respiblika” ASC Fonda 200 000 manat məbləğində vəsaiti köçürməyi özunə borc bilib.

Bununla yanaşı, Bank Fonda dəstək olmaq istəyən müştəriləri üçün də imkan yaradıb. Belə ki, indi bütün “Mobil Şöbə” istifadəçiləri istənilən məbləği bir toxunuşla Fonda köçürə biləcəklər. Köçürmə əməliyyatını ödəniş kartı və ya bank hesabı üzərindən yerinə yetirmək olar.

Koronavirus infeksiyasının yayılması ilə əlaqədar, sağlamlıq risklərini nəzərə alaraq, “Bank Respublika” müştərilərə onlayn xidmət kanalları vasitəsilə bank əməliyyatlarını həyata keçirmələrini tövsiyə edir. Bu məqsədlə Bank, fiziki şəxslər üçün – “Mobil Şöbə” və “İnternet Şöbə”, eləcə də hüquqi şəxslər üçün “İnternet Ofis” kimi bir sıra imkanlar təklif edir.

Daha ətraflı məlumatı bankın rəsmi internet saytında, facebook səhifəsində və yaxud 144 nömrəsinə zəng edərək əldə edə bilərsiniz.