“BakuBus” sığortacı seçir

“BakuBus” MMC şirkətə məxsus olan “Neoplan”, “İveco”, “Mercedes Sprinter” markalı avtonəqliyyat vasitələrinin (avtobusların və mikroavtobusların) və minik avtomobillərin Avtonəqliyyat Vasitəsinə Dəymiş Zərərin Könüllü (Avto KASKO) sığortası xidmətinin satınalınması üçün təkliflər sorğusu elan edib.

“Report” xəbər verir ki, tenderdə iştirak haqqı 500 manatdır.

İddiaçılar ilkin sənədlərini, tender təklifi və onun dəyərinin 1%-i qədər bank təminatını mayın 21-nə qədər Bakı şəhəri, Suraxanı rayonu, Zığ qəsəbəsi, Zığ-Hövsan yolu, 1-ci km, 1 ünvanında yerləşən inzibati binasına təqdim edə bilərlər. Əlaqələndirici şəxs -  Ramiq Zeynalovdur. Telefon: 404-11-10.

Təkliflərə mayın 22-də, saat 11:00-da qeyd olunan ünvanda baxılacaq.