Bakıda orta aylıq əməkhaqqı ölkə üzrə orta göstəricidən 28 % çoxdur

Bu ilin yanvar-iyul aylarında Bakıda orta aylıq nominal əməkhaqqı 1 180 manat təşkil edib.

Bu barədə “Report” Bakı şəhər Statistika İdarəsinə istinadən məlumat verib.

Bildirilir ki, bu, ötən ilin eyni dövrü ilə müqayisədə 10,1 % çoxdur.

Xatırladaq ki, bu ilin yanvar-iyul aylarında Azərbaycanda muzdlu işçilərin orta aylıq nominal əməkhaqqı ötən ilin eyni dövrünə nisbətən 11,3 % artaraq 925 manata çatıb. Başqa sözlə, paytaxtda orta maaş ölkə üzrə orta göstəricidən 27,6 % çoxdur.