Bakı Şəhər Reklam İdarəsi sığortaçı seçir

Dövlət Reklam Agentliyinin Bakı Şəhər Reklam İdarəsi könüllü tibbi sığorta xidməti üçün açıq tender elan edib.

“Report” xəbər verir ki, tenderdə iştirak haqqı 250 manatdır.

İddiaçılar ilkin sənədləri oktyabrın 21-i, saat 10:00-a qədər, tender təklifi və onun dəyərinin 1%-i qədər bank təminatını isə oktyabrın 31-i, saat 10:00-a qədər idarənin Bakı şəhəri, Nəsimi rayonu, Füzuli küçəsi, 37 ünvanında yerləşən inzibati binasına təqdim edə bilərlər.

Təkliflərə noyabrın 1-də, saat 10:00-da qeyd olunan ünvanda baxılacaq.