Bağlanmış 4 bankın əmanətçilərinə ödənilən məbləğ açıqlandı

Bağlanmış 4 bankın əmanətçilərinə ödənilən məbləğ açıqlandı ADIF indiyə qədər ləğvedicisi olduğu “Atabank”, “Amrah Bank”, “AGBank” və “NBC Bank” ASC-lərin 22 min qorunan əmanətçisinə kompensasiya ödəyib.
Maliyyə
2600
12 Sentyabr , 2020 11:12
Bağlanmış 4 bankın əmanətçilərinə ödənilən məbləğ açıqlandı

Azərbaycan Əmanətlərin Sığortalanması Fondu (ADIF) indiyə qədər ləğvedicisi olduğu “Atabank”, “Amrah Bank”, “AGBank” və “NBC Bank” ASC-lərin 22 min qorunan əmanətçisinə 517,1 milyon manat kompensasiya ödəyib.

"Report" xəbər verir ki, bu barədə Fondun açıqlamasında bildirilir.

Məlumatda həmçinin deyilir ki, “Atabank”ın 8,9 min əmanətçisi 206,7 milyon manat, “Amrah Bank”ın 5,5 min əmanətçisi 129,7 milyon manat, “AGBank”ın 3,8 min əmanətçisi 70,9 milyon manat, “NBC Bank”ın isə 3,8 min əmanətçisi 109,8 milyon manat kompensasiya alıb.

“Atabank” və “Amrah Bank”ın əmanətçilərinə kompensasiyaların ödənilməsinə 1 iyun 2020-ci il tarixindən başlanılıb və kompensasiyalar nağdsız qaydada “Kapital Bank” ASC-nin adlı debet kartları və “Xəzri” sürətli pul köçürmə sistemi vasitəsilə 35 filialda ödənilir.

“AGBank” və “NBC Bank”ın əmanətçilərinə kompensasiyaların ödənilməsinə isə 16 iyun 2020-ci il tarixindən başlanılıb və kompensasiyalar nağdsız qaydada “Azərbaycan Beynəlxalq Bankı” ASC-nin adlı debet kartları vasitəsilə 20 filialda ödənilir.

“Əmanətlərin sığortalanması haqqında” qanuna əsasən, ADIF əmanətçilərin ərizələrini kompensasiya ödənişi haqqında bildirişin ilk dəfə dərc edildiyi gündən başlayaraq bir il ərzində qəbul edir.

Son xəbərlər

Orphus sistemi