Bakı. 18 avqust. REPORT.AZ/. Azərbaycan Qiymətli Kağızlar üzrə Dövlət Komitəsi tərəfindən "Embawood" MMC-nin kütləvi təklif üsulu ilə yerləşdiriləcək faizli sənədsiz adlı təmin edilməmiş istiqrazlarının AZ2001019523 nömrəsi olan buraxılışı dövlət qeydiyyatına alınıb. "Report"un xəbər verdiyi kimi, bu barədə Komitənin məlumatında deyilir.
Məlumata əsasən, emissiyanın ümumi həcmi 10 mln. manat, bir istiqrazın nominal dəyəri 1 000 manat təşkil edir.
Emissiya prospektinə əsasən, istiqrazların tədavül müddəti 1 il, istiqrazlar üzrə illik faiz dərəcəsi 11% təşkil edir.
Qeyd edək ki, "Embawood" şirkəti mebel istehsalı və satışı ilə məşğuldur. Şirkətin nizamnamə kapitalı 3 750 manata bərabərdir.