“Aztelekom" sığortaçı seçir

Rəqəmsal İnkişaf və Nəqliyyat Nazirliyinə məxsus “Aztelekom" MMC əməkdaşlarının könüllü tibbi sığortalanması üçün açıq tender elan edib.

“Report” xəbər verir ki, tenderdə iştirak haqqı 250 manatdır.

İddiaçılar təkliflərini noyabrın 21-nə qədər “Aztelekom"un yerləşdiyi Bakı şəhəri, Yasamal rayonu, Moskva prospekti, 187 ünvanına təqdim edə bilərlər.

Təkliflərə noyabrın 21-də, saat 16:00-da qeyd olunan ünvanda baxılacaq.

Sığorta xidməti çərçivəsində şirkətin 203 əməkdaşının və ailə üzvlərinin 1 illik sığortalanması nəzərdə tutulur. Tenderin ehtimal olunan qiyməti 116 420 manatdır.