“AzInTelecom” sığortaçı seçir

Rəqəmsal İnkişaf və Nəqliyyat Nazirliyinə məxsus “AzInTelecom” MMC 719 əməkdaşının hər biri üçün 15 min manatlıq könüllü tibbi sığorta xidmətinin satın alınması üzrə açıq tender elan edib.

“Report” xəbər verir ki, tenderdə iştirak haqqı 350 manatdır.

İddiaçılar təkliflərini noyabrın 22-nə qədər şirkətin yerləşdiyi Bakı şəhəri, Nəsimi rayonu, Əlibəy Hüseynzadə, 74 ünvanına təqdim edə bilərlər.

Təkliflərə noyabrın 22-də, saat 17:45-da qeyd olunan ünvanda baxılacaq.