"Azərkontrakt" auditor seçir

Dövlət Kontrakt Korporasiyası - "Azərkontrakt" ASC 2021-2022-ci illər üzrə maliyyə hesabatlarının beynəlxalq standartlara uyğun auditi üçün açıq tender elan edib.

“Report” xəbər verir ki, tenderdə iştirak haqqı 250 manatdır.

İddiaçılar ilkin sənədləri avqustun 10-u, saat 11:00-a qədər, tender təklifi və onun dəyərinin 1%-i qədər bank təminatını isə avqutun 18-i, saat 18:00-a qədər səhmdar cəmiyyətin Bakı şəhəri, Yasamal rayonu, Şəfaət Mehdiyev küçəsi, 83/23 ünvanında yerləşən inzibati binasına təqdim edə bilərlər.

Təkliflərə avqustun 19-da, saat 11:00-da qeyd olunan ünvanda baxılacaq.