"Azərikart"ın Məlumat Mərkəzində və Çatbot xidmətində müvəqqəti fasilə yaranacaq

Bu gecə saat 02:00 - 05:00-da fövqəladə hallara dair planların yoxlanılması ilə əlaqədar "Azərikart" MMC Prosessinq Mərkəzində texniki sınaqlar nəzərdə tutulub.

"Report" bu barədə Mərkəzə istinadən xəbər verir.

Məlumata görə, proseslərin təkmilləşdirilməsi və xidmət səviyyəsinin daim yüksək saxlanılması məqsədilə keçirilən planlı işlər zamanı əsas kanallar üzrə servislərin fəaliyyətində dayanmalar, fasilələr gözlənilmir. Bununla belə, texniki işlərlə əlaqədar Məlumat Mərkəzi və Çatbot xidməti müvəqqəti olaraq fəaliyyət göstərməyəcək.

Bu müddət ərzində alternativ kommunikasiya kanalları ("Facebook", "Instagram") vasitəsilə "Azərikart"la əlaqə saxlamaq olar.