Azərbaycanın xarici ticarət dövriyyəsinin müsbət saldosu 3 dəfə artıb

Bu il yanvar-noyabr aylarında Azərbaycan xarici ölkələrlə 30,209 milyon ABŞ dolları dəyərində ticarət əməliyyatı aparıb.

“Report” Dövlət Gömrük Komitəsinə istinadən xəbər verir ki, bu, ötən ilin eyni dövrü ilə müqayisədə 32,8% çoxdur.

Bu ilin ilk 11 ayında xarici ticarət 19,799 milyard dolları ixracın, 10,410 milyard dolları isə idxalın payına düşüb. Son 1 ildə ixrac 51,6 % çox, idxal isə 7,5 % artıb.

Son nəticədə xarici ticarətdə 9,389 milyard dollarlıq müsbət saldo yaranıb. Bu, illik müqayisədə 2,8 dəfə çoxdur.