Azərbaycanın sığorta sektoru son 18 ildə 35 dəfə böyüyüb

Azərbaycanın sığorta sektorunun aktivləri 2005-ci ilin yekununda 54 milyon manat olduğu halda, 2023-cü ilin yekununda 1 milyard 889 milyon manat olub ki, bu da 35 dəfə artım deməkdir.

“Report” xəbər verir ki, son 18 ildə ölkədə sığorta haqları 17 dəfə artaraq 71 milyon manatdan 1 223 milyon manata, sığorta ödənişləri isə 39 dəfə artaraq 15 milyon manatdan 587 milyon manata çatıb.

Hesabat dövründə sektorun kapitalı isə 21 dəfə artaraq 26 milyon manatdan 556 milyon manata yüksəlib.