İlk xəbər saat 18:08-də verilib
Bu ilin I rübündə Azərbaycanın qiymətli kağızlar bazarında 2 159 milyon manatlıq əməliyyat aparılıb.
“Report” Azərbaycan Mərkəzi Bankına istinadən xəbər verir ki, bu, ötən ilin eyni dövrü ilə müqayisədə 52,8% azdır.
Ümumi rüblük göstəricinin 625 milyon manatlıq hissəsi ilkin bazarda (84,9% az), 1 534 milyon manatlıq hissəsi isə təkrar bazarda (3,6 dəfə çox) formalaşıb.
Ötən rüb qiymətli kağızlar bazarında 1 247 əqd bağlanılıb. Bu illik müqayisədə 2,6% çoxdur. Əqdlərin 160-ı ilkin bazarın (59,7% az), 1 087-si isə təkrar bazarın (32,9% çox) payına düşüb.
***
Yanvar-mart aylarında Azərbaycanın qiymətli kağızlar bazarında aparılmış əməliyyatların 888 milyon manatlıq hissəsi və yaxud 41,1%-i dövlət qiymətli kağızlarının, 848 milyon manatlıq hissəsi və yaxud 39,3%-i korporativ qiymətli kağızların, 422 milyon manatlıq hissəsi və yaxud 19,6%-i isə repo əməliyyatlarının payına düşüb. Bu, 1 il əvvələ nisbətən müvafiq olaraq 75,8% az, 5,9% çox və 4,2 dəfə çoxdur.
Ötən rüb bu bazarda bağlanmış əqdlərin isə 274-ü və yaxud 22%-i dövlət qiymətli kağızlarının, 741-i və yaxud 59,4%-i korporativ qiymətli kağızların, 232-si və yaxud 18,6%-i isə repo əməliyyatlarının payına düşüb. Bu isə illik müqayisədə müvafiq olaraq 41,2%, 12,1% çox və 2,6 dəfə çoxdur.