Azərbaycanın özəl nəşriyyatı səhmdarlarına dividend ödəyəcək

İyunun 21-də, saat 11:00-da “Şərq-Qərb" ASC-nin səhmdarlarının illik ümumi yığıncağı keçiriləcək.

“Report” xəbər verir ki, yığıncaq şirkətin baş ofisinin yerləşdiyi Bakı şəhəri, Xətai rayonu, Aşıq ələsgər küçəsi, 17 ünvanında olacaq.

Yığıncağın gündəliyinə "Şərq-Qərb"in 2024-cü il üzrə idarəetmə və maliyyə hesabatlarının təsdiq edilməsi, növbəti müddətə müfəttiş təyin edilməsi, mənfəət və zərərinin bölüşdürülməsi, dividennd ödənişi və digər cari məsələlər daxildir.

Xatırladaq ki, “Şərq-Qərb” 1986-cı ildən dövlət müəssisəsi kimi fəaliyyət göstərən 4 nömrəli Bakı Kitab Mətbəəsinin bazasında 2001-ci ildə yaradılıb. Onun nizamnamə kapitalı 589 880 manatdır. Şirkət ölkənin aparıcı özəl nəşriyyatıdır.