Azərbaycanın ötənilki icmal büdcəsində 7 milyard manatdan çox qalıq yaranıb

2022-ci ildə Azərbaycanın icmal büdcəsinin gəlirləri 42 289,5 milyon manat, xərcləri isə 35 061 milyon manat təşkil edib.

“Report” Maliyyə Nazirliyinə istinadən xəbər verir ki, bunlar, 2021-ci illə müqayisədə müvafiq olaraq 24,7% və 16,9% çox, proqnozdan isə müvafiq olaraq 15% çox və 1,6% azdır. 

Son nəticədə icmal büdcədə 7 228,5 milyon manat qalıq yaranıb. Bu isə 1 il əvvələ nisbətən 84,3%, proqnozdan isə 6,5 dəfə çoxdur.