Azərbaycanın ötən il Gürcüstana yatırdığı sərmayələrin həcmi açıqlanıb

Ötən il Azərbaycan Gürcüstan iqtisadiyyatına 207,4 min ABŞ dolları həcmində investisiya yatırıb.

“Report”un yerli bürosu xəbər verir ki, bu barədə Gürcüstanın Milli Statistika İdarəsinin ilkin hesabatında bildirilib.

Sənədə əsasən, 2021-ci ilin I rübündə Azərbaycan Gürcüstandan 6 milyon 255,8 min ABŞ dolları həcmində investisiyanı geri çəkib, II rübdə 669,7 min ABŞ dolları, III rübdə 3 milyon 005,4 min ABŞ dolları, IV rübdə isə 2,788 milyon ABŞ dolları həcmində sərmayə qoyub.

2020-ci ildə isə Azərbaycanın qonşu ölkədən geri çəkdiyi sərmayələrin həcmi isə 16,383 milyon ABŞ dolları təşkil edib.

Hesabat ilində Gürcüstan iqtisadiyyatında birbaşa xarici investisiyaların ümumi həcmi illik müqayisədə iki dəfə artaraq 1 milyard 152,8 milyon ABŞ dollarına bərabər olub.