Azərbaycanın kollektor agentliyi səhmdarlarına dividend ödəyəcək

İyulun 27-də, saat 11:00-da Azərbaycanın kollektor agentliyi - “BOA Agency” ASC-nin səhmdarlarının növbədənkənar ümumi yığıncağı keçiriləcək.

“Report” xəbər verir ki, yığıncaq Bakı şəhəri, Nəsimi rayonu, Mir Cəlal küçəsi, 36D (4-cü mikrorayon) ünvanında olacaq.

Yığıncağın gündəliyinə cəmiyyətin maliyyə göstəricilərinin müzakirə edilməsi, dividend ödənişi və digər məsələlər daxildir.

Xatırladaq ki, “BOA Agency” 2011-ci ildə yaradılıb. Onun nizamnamə kapitalı 200 min manatdır. Şirkətin səhmlərinin 50 %-i Yadulla Yusifova və 50 %-i isə Rüstəm Hacıyevə məxsusdur.