Azərbaycanın dövlət büdcəsinin qalığı 42 % artıb

Bu ilin yanvar-may aylarında Azərbaycanın dövlət büdcəsinin gəlirləri 13 milyard 961 milyon manat, xərcləri isə 11 milyard 142,4 milyon manat təşkil edib.

“Report” Dövlət Statistika Komitəsinə istinadən xəbər verir ki, bunlar, ötən ilin eyni dövrü ilə müqayisədə müvafiq olaraq 12,2 % və 6,6 % çoxdur.

Son nəticədə büdcədə 2 milyard 818,6 milyon manat qalıq yaranıb ki, bu da 1 il əvvələ nisbətən 41,5 % çoxdur.