Azərbaycanın cari əməliyyatlar balansının profisiti 46 %-ə yaxın artıb

Bu ilin I rübündə Azərbaycanın cari əməliyyatlar balansının profisiti 1 milyard 664 milyon ABŞ dolları olub.

"Report" bu barədə Azərbaycan Mərkəzi Bankına istinadən xəbər verir.

Məlumata görə, bu, ötən ilin eyni dövrü ilə müqayisədə təxminən 45,6 % çoxdur.

Rüblük profisit xarici ticarət balansındakı 2 milyard 38,9 milyon dollarlıq qalıq (16,6 % az), xidmətlər balansındakı 590,3 milyon dollarlıq kəsir (21,6 % az), ilkin gəlirlər balansındakı 37,6 milyon dollarlıq qalıq (1 il bundan əvvəl kəsir olub) və təkrar gəlirlər balansındakı 177,8 milyon dollarlıq qalıq (66,95 % çox) hesabına formalaşıb.