Azərbaycandan Gürcüstana pul köçürmələri artıb

Bu ilin yanvar-noyabr aylarında Azərbaycandan Gürcüstana 78,5 milyon ABŞ dolları pul köçürülüb.

“Report”un yerli bürosu xəbər verir ki, bu barədə Gürcüstan Milli Bankından bildirilib.

Məlumata əsasən, bu, ötən ilin eyni göstəricisindən təxminən 60% çoxdur.

Yalnız noyabr ayında isə Azərbaycandan qonşu ölkəyə 7,2 milyon ABŞ dolları məbləğində pul köçürülüb ki, bu da illik müqayisədə 29 % çoxdur.

Hesabat ayında Gürcüstandan Azərbaycana 1,8 milyon ABŞ dolları (+ 28,5 %), ilk 11 ayda isə 18,1 milyon ABŞ dolları (+ 24 %) göndərilib.

Noyabrda xarici ölkələrdən Gürcüstana köçürülən pul vəsaitlərinin həcmi 207,3 milyon ABŞ dolları (+ 22 %), qonşu ölkədən xaricə göndərilən pul vəsaitlərinin həcmi isə 31,8 milyon ABŞ dolları (+ 45,3 %) təşkil edib.