Azərbaycanda yeni lizinq şirkəti yaradılıb

Bakı. 1 noyabr. REPORT.AZ/ Vergilər Nazirliyi “Premier Lizinq” MMC-nin dövlət qeydiyyatına alıb.

“Report” xəbər verir ki, bu barədə nazirliyin “Vergilər” qəzetinin xüsusi buraxılışında məlumat verilib.

Məlumata görə, şirkətin hüquqi ünvanı Bakı şəhəri, Nəsimi rayonu, Əliisgəndər İsgəndərov küçəsi, ev 3/1, mənzil 52, nizamnamə kapitalı 100 manat, qanuni təmsilçisi isə Sultan Mirzəyevdir. Söhbət “Premier Kredit” MMC bank olmayan kredit təşkilatının (BOKT) direktorundan getsə də, S.Mirzəyev “Report”a bildirib ki, hazırda şirkətə Natiq Ömrümov rəhbərlik edir. BOKT-la lizinq şirkətinin təsisçiləri isə eyni deyil.