Azərbaycanda xəstəxanalara xərcləmələr 35 % artırılır

2024-cü ildə Azərbaycanda dövlət büdcəsi xərclərinin 231,5 milyon manatı və yaxud 0,6 %-i xəstəxanalarla bağlı xərclərin payına düşəcək.

"Report" bu barədə Maliyyə Nazirliyinə istinadən xəbər verir.

Məlumata görə, bu, ötən ilin təsdiq olunmuş proqnozu ilə müqayisədə 35,1 % çoxdur.

Xəstəxanalara xərcləmələr səhiyyə xərclərinin 12,4 %-ni təşkil edəcək.

Xatırladaq ki, gələn il büdcə gəlirlərinin 34 milyard 173 milyon manat, büdcə xərclərinin isə 36 milyard 763 milyon manat olacağı gözlənilir.