Azərbaycanda satmaq öhdəliyi ilə kirayə mexanizminin tətbiqi üçün əsas işlər yekunlaşmaq üzrədir

Azərbaycanda satmaq öhdəliyi ilə kirayə mexanizminin işə salınması üçün müvafiq zəruri prosedur və standartların hazırlanması, eləcə də müraciətlərin qəbulu üçün elektron sistemin yaradılması istiqamətində müvafiq işlər yekunlaşmaq üzrədir.

“Report” xəbər verir ki, bu barədə İpoteka və Kredit Zəmanət Fondunun açıqlamasında bildirilir.

“Bundan başqa, əhalinin müraciətlərinin qəbulu üçün "ASAN xidmət" mərkəzləri ilə əməkdaşlıq üzrə işlər də yekunlaşıb. Qeyd olunanlarla əlaqədar Fond tərəfindən yaxın zamanlarda satmaq öhdəliyi ilə kirayəyə verilməsi mexanizminin tətbiqinə başlanılması nəzərdə tutulur”, - deyə məlumatda qeyd olunub.