Bakı 16° C
https://static.report.az/photo/fec82039-04c4-3933-9ad8-0b2a1a321f54.jpg
2020-ci ildə Azərbaycanın pərakəndə ticarət şəbəkəsində istehlakçılara 40,2 milyard manatlıq, o cümlədən 21,7 milyard manatlıq ərzaq məhsulları, içkilər və tütün məmulatları, 18,5 milyard manatlıq qeyri-ərzaq malları satılıb.
"Report" Dövlət Statistika Komitəsinə istinadən xəbər verir ki, 2019-cu illə müqayisədə pərakəndə ticarət dövriyyəsi real ifadədə 1,3 %, o cümlədən qeyri-ərzaq malları üzrə 6,1 % azalıb, ərzaq məhsulları, içkilər və tütün məmulatları üzrə isə 3,4 % artıb.
Hesabat ilində əmtəə bazarı aşağıdakı göstəricilərlə xarakterizə olunub:
| Məhsul qruplarının adları | Satışdan gəlir, milyon manatla | 2019-cu ilə nisbətən, faizlə |
| Pərakəndə ticarət dövriyyəsi | 40 166,5 | 98,7 |
| o cümlədən: | ||
| ərzaq məhsulları | 19 516,3 | 103,7 |
| içkilər və tütün məmulatları | 2 168,5 | 100,5 |
| toxuculuq məhsulları, geyim və ayaqqabılar | 6 415,1 | 90,9 |
| elektrik malları və mebellər | 2 172,3 | 91,8 |
| kompüterlər, telekommunikasiya avadanlıqları və çap məhsulları | 344,7 | 101,3 |
| əczaçılıq məhsulları və tibbi ləvazimatlar | 748,9 | 140,5 |
| avtomobil benzini və dizel yanacağı | 2 040,8 | 87,5 |
| digər qeyri-ərzaq malları | 6 759,9 | 95,8 |
2020-ci ildə alıcıların son istehlak məqsədilə aldıqları mallara xərclədiyi vəsaitin 48,6 %-i ərzaq məhsullarının, 5,4 %-i içkilər və tütün məmulatlarının, 16 %-i toxuculuq məhsulları, geyim və ayaqqabıların, 5,4 %-i elektrik malları və mebellərin, 5,1 %-i avtomobil benzini və dizel yanacağının, 1,8 %-i əczaçılıq məhsulları və tibbi ləvazimatların, 0,9 %-i kompüterlər, telekommunikasiya avadanlıqları və çap məhsullarının, 16,8 %-i isə digər qeyri-ərzaq mallarının alınmasına sərf olunub.
Hesabat ilində istehlak məhsullarının dəyər ifadəsində 22,7 %-i ticarət müəssisələrində, 54,6 %-i fərdi sahibkarlar tərəfindən, 22,7 %-i isə bazar-yarmarkalarda satılıb. 2019-cu illə müqayisədə pərakəndə ticarət dövriyyəsi real ifadədə müəssisələr üzrə 6,6 %, fərdi sahibkarlar üzrə 3,8 % artıb, bazar və yarmarkalarda isə 17,2 % azalıb.
2020-ci ildə ticarət şəbəkəsində bir ölkə sakini orta hesabla ayda 335,6 manatlıq, o cümlədən 181,2 manatlıq ərzaq məhsulları, içkilər və tütün məmulatları, 154,4 manatlıq qeyri-ərzaq malları alıb.
