Azərbaycanda lombardların fəaliyyəti bərpa olunur

Aprelin 27-dən Azərbaycanda qızıl və digər bəzək əşyalarının satışı obyektlərinin, eləcə də lombardların fəaliyyətinə icazə veriləcək.

"Report" xəbər verir ki, bununla bağlı Nazirlər Kabineti yanında Operativ Qərargahın açıqlamasında bildirilir.

Məlumata görə, bu qərar qəbul edilərkən koronavirus (COVID-19) virusu ilə bağlı hazırkı sanitar-epidemioloji vəziyyət, xüsusilə də xəstəliyin yayılma dinamikası və coğrafiyası, karantin zonalarındakı şəxslərin sıxlığı, onlar arasında virusa yoluxma halları nəzərə alınıb.