Azərbaycanda kartlarla aparılan əməliyyatlarda nağdsız əməliyyatların xüsusi çəkisi artıb

Bakı. 1 fevral. REPORT.AZ/ Azərbaycanda ötən il plastik kartlarla 16 mlrd. manat məbləğində əməliyyat aparılıb.

“Report” xəbər verir ki, bu barədə Azərbaycan Mərkəzi Bankının sədri Elman Rüstəmov məlumat verib.

Onun sözlərinə görə, bunun 13 mlrd. manatı nağd pulun çıxarılması ilə bağlı olub. Kart əməliyyatlarında nağdsız əməliyyatların xüsusi çəkisi 17% təşkil edib. Bu göstərici 2017-ci ildə 10,2% olub, əvvəlki illərdə isə 4% civarında dəyişib.