Azərbaycanda gömrük orqanlarının xətti ilə büdcə daxilolmaları 5 % azalıb

Bu ilin yanvar-mart aylarında Dövlət Gömrük Komitəsinin (DGK) xətti ilə büdcə daxilolmaları 1 milyard 469,867 milyon manat təşkil edib.

“Report” DGK-ya istinadən xəbər verir ki, bu, ötən ilin eyni dövrü ilə müqayisədə 4,9 % azdır.

Son 1 ildə gömrük rüsumları üzrə daxilolmalar 10,4 % artaraq 404,089 milyon manat, əlavə dəyər vergisi (ƏDV) üzrə daxilolmalar 10,1 % azalaraq 1 007,670 milyon manat, aksizlər üzrə daxilolmalar 10,6 % artaraq 48,64 milyon manat, yol vergisi üzrə daxilolmalar isə 32,2 % azalaraq 9,467 milyon manat olub.