Azərbaycanda əhaliyə göstərilən ödənişli xidmətlərin ümumi dəyəri 5 % artıb

Bu ilin yanvar ayında Azərbaycanda əhaliyə göstərilən ödənişli xidmətlərin dəyəri ötən ilin eyni dövrü ilə müqayisədə 4,9 % artaraq 946,1 milyon manat təşkil edib.

“Report” xəbər verir ki, bu barədə Dövlət Statistika Komitəsi məlumat yayıb.

Bildirilir ki, bunun 706,7 milyon manatlıq hissəsi hüquqi şəxslərə məxsus olub ki, bu da xidmətlərin ümumi dəyərinin 74,7 %-ni təşkil edib.

Hesabat dövründə hər bir ölkə sakini orta hesabla 92,9 manatlıq və yaxud 1 il əvvələ nisbətən nominal ifadədə 6,6 manat çox müxtəlif ödənişli xidmətlərdən istifadə edib.